ساقی ہے گرچہ بے شمار شراب

ساقی ہے گرچہ بے شمار شراب

نہیں خوش تر سوائے یار شراب

قتل پر کس کے آج ہوتی ہے

توسن حسن پر سوار شراب

رکھ کرم پر ترے نظر مجرم

نوش کرتے ہیں بے شمار شراب

ان کو آنکھیں دکھا دے ٹک ساقی

چاہتے ہیں جو بار بار شراب

یا علی حشر میں دو چنداؔ کو

آب کوثر کی خوش گوار شراب

saqi hai garche be shumar sharab

nahin khush tar siwae yar sharab

qatl par kis ke aj hoti hai

tosun-e-husn par sawar sharab

rakh karam par tire nazar mujrim

nosh karte hain be shumar sharab

un ko ankhen dikha de tuk saqi

chahte hain jo bar bar-e-sharab

ya ali hashr mein do chanda ko

ab-e-kausar ki khush gawar-e-sharab