ساقی جو دئے جائے یہ کہہ کر کہ پئے جا

ساقی جو دئے جائے یہ کہہ کر کہ پئے جا

تو میں بھی پئے جاؤں یہ کہہ کر کہ دیئے جا

جانے کی جو ضد ہے تو مجھے زہر دئے جا

اتنا تو کہا مان لے اتنا تو کئے جا

کچھ اور نہ کر مجھ پہ جفائیں تو کئے جا

کچھ اور نہ لے میری دعائیں تو لئے جا

کیا لذت تعزیر نے مجبور کیا ہے

آتا ہے یہی جی میں کہ تقصیر کئے جا

کم بخت رساؔ تیری رسائی نہیں ان تک

تو خوب سا اسلام کو بدنام کئے جا

saqi jo diye jae ye kah kar ke piye ja

to main bhi piye jaun ye kah kar ke diye ja

jane ki jo zid hai to mujhe zahr diye ja

itna to kaha man le itna to kiye ja

kuchh aur na kar mujh pe jafaen to kiye ja

kuchh aur na le meri duaen to liye ja

kya lazzat-e-taazir ne majbur kiya hai

ata hai yahi ji mein ke taqsir kiye ja

kam bakht rasa teri rasai nahin un tak

tu khub sa islam ko badnam kiye ja