ساتھ میں اغیار کے میں بھی صف مقتل میں ہوں

ساتھ میں اغیار کے میں بھی صف مقتل میں ہوں

صورت ترکیب موزوں مصرع مہمل میں ہوں

مجھ سا رنگیں طبع ہے تیرہ درونوں میں خراب

میں شراب ارغوانی ہوں مگر بوتل میں ہوں

گندہاے نا تراشیدہ ہیں ہم صحبت مری

ان دنوں تو میں بھی خوشبو کی طرح صندل میں ہوں

آدمی بے حس و مس میں صورت مردم گیاہ

شہر میں ہوں میں الٰہی یا کسی جنگل میں ہوں

پردہ دار گریۂ بے اختیاری فقر ہے

برق ہے ابر سیہ میں اور میں کمل میں ہوں

حاصل نیکی ہوں نیکوں کو بدوں کو بد ہوں مہرؔ

میرا ہی پرتو عنت میں ہے میں ہی حنظل میں ہوں

sath mein aghyar ke main bhi saf-e-maqtal mein hun

surat-e-tarkib-e-mauzun misra-e-mohmal mein hun

mujh sa rangin taba hai tira darunon mein kharab

main sharab-e-arghawani hun magar botal mein hun

gundaai na tarashida hain ham sohbat miri

in dinon to main bhi khushbu ki tarah sandal mein hun

admi be his-o-mis mein surat-e-mardum giyah

shahr mein hun main ilahi ya kisi jangal mein hun

parda dar-e-girya-e-be ikhtiyari faqr hai

barq hai abr-e-siyah mein aur main kamal mein hun

hasil-e-neki hun nekon ko badon ko bad hun mehr

mera hi partau ant mein hai main hi hanzal mein hun