سامنا ہے نگاہ قاتل کا

سامنا ہے نگاہ قاتل کا

دیکھنا حوصلہ مرے دل کا

ہائے کہنا ادا سے قاتل کا

ہم کو دکھلاؤ رقص بسمل کا

چلے منہ پھیر کر وہ مقتل سے

حال دیکھا گیا نہ بسمل کا

جوش وحشت میں تیرا دیوانہ

کیوں نہ مشتاق ہو سلاسل کا

کھینچ کر ان کو میرے گھر لایا

اثر آخر کو جذب کامل کا

شیخ خاموش ہو خدا کے لئے

ذکر رندوں میں کیا مسائل کا

کاش وہ چٹکیاں ہی لیں آ کر

مشغلہ کچھ تو ہو دکھے دل کا

بوسہ دے ڈالو حسن کی خیرات

رد نہ کیجے سوال سائل کا

اے صبا کر بھی قیس پر احسان

تو ہی پردہ اٹھا دے محمل کا

شک تھا مٹی کا نہ ہو عاشق کے

عطر کیوں کر وہ سونگھتے گل کا

نزع میں بھی دلیرؔ آئے نہ وہ

رہ گیا دل میں حوصلہ دل کا

samna hai nigah-e-qatil ka

dekhna hausla mire dil ka

hae kahna ada se qatil ka

ham ko dikhlao raqs-e-bismil ka

chale munh pher kar wo maqtal se

hal dekha gaya na bismil ka

josh-e-wahshat mein tera diwana

kyun na mushtaq ho salasil ka

khinch kar un ko mere ghar laya

asar akhir ko jazb-e-kamil ka

shaikh khamosh ho khuda ke liye

zikr rindon mein kya masail ka

kash wo chutkiyan hi len a kar

mashghala kuchh to ho dikhe dil ka

bosa de dalo husn ki khairat

rad na kije sawal sail ka

ai saba kar bhi qais par ehsan

tu hi parda utha de mahmil ka

shak tha mitti ka na ho ashiq ke

itr kyun kar wo sunghte gul ka

nazaa mein bhi diler ae na wo

rah gaya dil mein hausla dil ka