سامنے سے جو وہ نگار گیا

سامنے سے جو وہ نگار گیا

دل پہ تیر نگاہ مار گیا

دیکھو بیتابی دل کی اس در پر

ایک دن میں ہزار بار گیا

منزل عشق تک نہ پہنچا آہ

میں تو چلتے ہی چلتے ہار گیا

تیرے قربان کے تو لائق ہوں

اور کاموں سے گو میں ہار گیا

پاس سے اس کے سب گئے خورسند

ایک افسوسؔ سوگوار گیا

samne se jo wo nigar gaya

dil pe tir-e-nigah mar gaya

dekho betabi dil ki us dar par

ek din mein hazar bar gaya

manzil-e-ishq tak na pahuncha ah

main to chalte hi chalte har gaya

tere qurban ke to laiq hun

aur kamon se go main har gaya

pas se us ke sab gae khursand

ek afsos sogwar gaya