آپ کیوں بیٹھے ہیں غصے میں مری جان بھرے

آپ کیوں بیٹھے ہیں غصے میں مری جان بھرے

یہ تو فرمائیے کیا زلف نے کچھ کان بھرے

جان سے جائے اگر آپ کو چاہے کوئی

دم نکل جائے جو دم آپ کا انسان بھرے

لیے پھرتے ہیں ہم اپنے جگر و دل دونوں

ایک میں درد بھرے ایک میں ارمان بھرے

دامن دشت نے آنسو بھی نہ پوچھے افسوس

میں نے رو رو کے لہو سیکڑوں میدان بھرے

تیغ قاتل کو گلے سے جو لگایا مضطرؔ

کھنچ کے بولی کہ بڑے آئے تم ارمان بھرے

ap kyun baithe hain ghusse mein miri jan bhare

ye to farmaiye kiya zulf ne kuchh kan bhare

jan se jae agar ap ko chahe koi

dam nikal jae jo dam ap ka insan bhare

liye phirte hain ham apne jigar-o-dil donon

ek main dard bhare ek main arman bhare

daman-e-dasht ne ansu bhi na puchhe afsos

main ne ro ro ke lahu saikron maidan bhare

tegh-e-qatil ko gale se jo lagaya muztar

khinch ke boli ke bare ae tum arman bhare