رنگ تصویر جہاں کو ترا نقشا سمجھا

رنگ تصویر جہاں کو ترا نقشا سمجھا

ذرہ ذرہ کو میں اک حسن سراپا سمجھا

محو حیرت جو تصور نے بنایا مجھ کو

اپنی تصویر کو میں تیرا سراپا سمجھا

بے خود جلوہ کبھی اور کبھی ہشیار رہا

کبھی معبود کبھی خود کو میں بندہ سمجھا

وائے غفلت کہ سراب آسا نہ جانا اس کو

بھول اتنی ہوئی دنیا کو میں دنیا سمجھا

دیدۂ تر نے اٹھائے وہ شب غم طوفاں

جو گرا آنکھ سے قطرہ اسے دریا سمجھا

rang taswir jahan ko tira naqsha samjha

zarra zarra ko main ik husn-e-sarapa samjha

mahw-e-hairat jo tasawwur ne banaya mujh ko

apni taswir ko main tera sarapa samjha

be khud-e-jalwa kabhi aur kabhi hushyar raha

kabhi maabud kabhi khud ko main banda samjha

wae ghaflat ke sarab asa na jana us ko

bhul itni hui duniya ko main duniya samjha

dida-e-tar ne uthae wo shab-e-gham tufan

jo gira ankh se qatra use dariya samjha