رقیبوں کا مجھ سے گلا ہو رہا ہے

رقیبوں کا مجھ سے گلا ہو رہا ہے

یہ کیا کر رہے ہو یہ کیا ہو رہا ہے

دعا کو نہیں راہ ملتی فلک کی

کچھ ایسا ہجوم بلا ہو رہا ہے

وہ جو کر رہے ہیں بجا کر رہے ہیں

یہ جو ہو رہا ہے بجا ہو رہا ہے

وہ نا آشنا بے وفا میری ضد سے

زمانے کا اب آشنا ہو رہا ہے

چھپائے ہوئے دل کو پھرتے ہیں بیخودؔ

کہ خواہاں کوئی دل ربا ہوا ہے

raqibon ka mujh se gila ho raha hai

ye kya kar rahe ho ye kya ho raha hai

dua ko nahin rah milti falak ki

kuchh aisa hujum-e-bala ho raha hai

wo jo kar rahe hain baja kar rahe hain

ye jo ho raha hai baja ho raha hai

wo na ashna be wafa meri zid se

zamane ka ab ashna ho raha hai

chhupae hue dil ko phirte hain bekhud

ke khwahan koi dil ruba hua hai