آنے کو نظر میں مری سو فتنہ گر آئے
رسا رامپوریآنے کو نظر میں مری سو فتنہ گر آئے
تجھ سا نظر آیا ہے نہ تجھ سا نظر آئے
کھل جائے بھرم ضبط محبت کا نہ ان پر
ڈرتا ہوں کہیں آنکھ میں آنسو نہ بھر آئے
مے خانے پہ کیا ابر ہے چھایا ہوا یارب
جلوے تری رحمت کے یہاں بھی نظر آئے
کرتا ہوں دعائیں تو یہ آتی ہیں ندائیں
تو ہو کسی قابل تو دعا میں اثر آئے
کرتا ہے وہی دل میں رساؔ کے جو ٹھنی ہے
سمجھانے کو سمجھاتے ہیں سب اپنے پرائے
ane ko nazar mein miri so fitna gar ae
tujh sa nazar aya hai na tujh sa nazar ae
khul jae bharam zabt-e-mohabbat ka na un par
darta hun kahin ankh mein ansu na bhar ae
mai khane pe kya abr hai chhaya hua yarab
jalwe tiri rahmat ke yahan bhi nazar ae
karta hun duaen to ye ati hain nadaen
to ho kisi qabil to dua mein asar ae
karta hai wahi dil mein rasa ke jo thani hai
samjhane ko samjhate hain sab apne parae