رسم سجدہ بھی اٹھا دی ہم نے

رسم سجدہ بھی اٹھا دی ہم نے

عظمت عشق بڑھا دی ہم نے

جب کوئی تازہ شگوفہ پھوٹا

کی گلستاں میں منادی ہم نے

جب چمن میں نہ کہیں چین ملا

باب زنداں پہ صدا دی ہم نے

آنچ صیاد کے گھر تک پہنچی

اتنی شعلوں کو ہوا دی ہم نے

خون دل سے در مے خانہ پر

تیری تصویر بنا دی ہم نے

دل کو آنے لگا بسنے کا خیال

آگ جب گھر کو لگا دی ہم نے

rasm-e-sajda bhi utha di ham ne

azmat ishq barha di ham ne

jab koi taza shagufa phuta

ki gulistan mein munadi ham ne

jab chaman mein na kahin chain mila

bab-e-zindan pe sada di ham ne

anch sayyad ke ghar tak pahunchi

itni sholon ko hua di ham ne

khun-e-dil se dar-e-mai khana par

teri taswir bana di ham ne

dil ko ane laga basne ka khayal

ag jab ghar ko laga di ham ne