رخسار کو ہے زلف شکن در شکن سے ربط

رخسار کو ہے زلف شکن در شکن سے ربط

یعنی ہے شیخ کعبہ کو اب برہمن سے ربط

یوں ہی ہے مجھ کو اس بت پیماں شکن سے ربط

ہے چند روزہ روح کا جیسے بدن سے ربط

پھولوں کو جس طرح ہو بہار چمن سے ربط

یوں ہی تھا مجھ کو بھی کسی گل پیرہن سے ربط

رکھتا نہیں ہوں صرف حسین و حسن سے ربط

ہے مجھ کو چار یار سے اور پنجتن سے ربط

خوشیاں منائیں غیر نہ اس ارتباط پر

مجھ سے بھی تھا کبھی بت پیماں شکن سے ربط

حمد و ثنا میں تیری میں رطب الساں رہوں

جب تک رہے دہن میں زباں کو سخن سے ربط

رکھتا ہوں اس لئے میں غرال ختن سے ربط

ہم بھی کسی کے تیر نظر کے شکار تھے

ہم کو بھی تھا کبھی کسی ناوک فگن سے ربط

کس درجہ طول ہے شب تار فراق یار

شاید ہے اس کو زلف شکن در شکن سے ربط

تیر نظر سے دل کو نہ چھلنی بناؤ بدرؔ

اچھا نہیں ہے اس بت ناوک فگن سے ربط

rukhsar ko hai zulf-e-shikan dar shikan se rabt

yaani hai shaikh kaaba ko ab barahman se rabt

yun hi hai mujh ko us but-e-paiman shikan se rabt

hai chand roza ruh ka jaise badan se rabt

phulon ko jis tarah ho bahar-e-chaman se rabt

yun hi tha mujh ko bhi kisi gul pairahan se rabt

rakhta nahin hun sirf hasin-o-husn se rabt

hai mujh ko char yar se aur panjatan se rabt

khushiyan manaen ghair na is irtibat par

mujh se bhi tha kabhi but-e-paiman shikan se rabt

hamd-o-sana mein teri mein rutab alsan rahun

jab tak rahe dahan mein zaban ko sukhan se rabt

rakhta hun is liye main gharal khutan se rabt

ham bhi kisi ke tir-e-nazar ke shikar the

ham ko bhi tha kabhi kisi nawak fagan se rabt

kis darja tul hai shab-e-tar-e-firaq-e-yar

shayad hai us ko zulf-e-shikan dar shikan se rabt

tir-e-nazar se dil ko na chhalni banao badr

achchha nahin hai us but-e-nawak fagan se rabt