رحم کر ظالم مرا حال پریشاں دیکھ کر

رحم کر ظالم مرا حال پریشاں دیکھ کر

کون ہنستا ہے کسی کو غم میں گریاں دیکھ کر

داستاں آؤ میں دردوں کی سناؤں آپ کو

بعد میرے کیا کرو گے میرا دیواں دیکھ کر

دیکھیے آئے نہ آئے ناز حوروں کا پسند

میں چلا ہوں غور سے انداز خوباں دیکھ کر

آپ کو کرتے ہوئے برباد کیوں آیا نہ رحم

آفتیں روتی ہیں میرے گھر کو ویراں دیکھ کر

عدل کو نایابؔ رکھ ہر کام میں مد نظر

حق نے دو آنکھیں تجھے بخشی ہیں میزاں دیکھ کر

rahm kar zalim mira hal-e-pareshan dekh kar

kaun hansta hai kisi ko gham mein giryan dekh kar

dastan ao mein dardon ki sunaun ap ko

baad mere kya karoge mera diwan dekh kar

dekhiye ae na ae naz huron ka pasand

main chala hun ghaur se andaz-e-khuban dekh kar

ap ko karte hue barbad kyun aya na rahm

afaten roti hain mere ghar ko wiran dekh kar

adl ko nayab rakh har kam mein mad-e-nazar

haq ne do ankhen tujhe bakhshi hain mizan dekh kar