رس بھرے ہونٹ

رس بھرے ہونٹ

پھول سے ہلکے

جیسے بلور کی صراحی میں

بادۂ آتشیں نفس چھلکے

جیسے نرگس کی گول آنکھوں سے

ایک شبنم کا ارغواں قطرہ

شفق صبح سے درخشندہ

دھیرے دھیرے سنبھل سنبھل ڈھلکے

رس بھرے ہونٹ یوں لرزتے ہیں.....!

یوں لرزتے ہیں جس طرح کوئی

رات دن کا تھکا ہوا راہی

پاؤں چھلنی نگاہ متزلزل

وقت صحرائے بیکراں کہ جہاں

سنگ منزل نما نہ آج نہ کل.....

دفعتاً دور..... دور!..... آنکھ سے دور

شفق شام کی سیاہی میں

قلب کی آرزو نگاہی میں

فرش سے عرش تک جھلک اٹھے

رس بھرے ہونٹ دیکھ کر تاثیرؔ

رات دن کے تھکے ہوئے راہی

یوں ترستے ہیں، یوں لرزتے ہیں.....!

ras bhare hont

phul se halke

jaise bilur ki surahi mein

bada-e-atishin nafas chhalke

jaise nargis ki gol ankhon se

ek shabnam ka arghawan qatra

shafaq-e-subh se darakhshinda

dhire dhire sambhal sambhal dhalke

ras bhare hont yun larazte hain.....!

yun larazte hain jis tarah koi

rat din ka thaka hua rahi

paon chhalni nigah-e-mutazalzal

waqt-e-sahra-e-bekaran ke jahan

sang manzil numa na aj na kal.....

dafatan dur..... dur!..... ankh se dur

shafaq-e-sham ki siyahi mein

qalb ki arzu nigahi mein

farsh se arsh tak jhalak uthe

ras bhare hont dekh kar tasir

rat din ke thake hue rahi

yun taraste hain, yun larazte hain.....!