آپ کیا ایک ستم گار بنے بیٹھے ہیں

آپ کیا ایک ستم گار بنے بیٹھے ہیں

غیر بھی تو مرے غم خوار بنے بیٹھے ہیں

واعظوں کی بھی یہ توقیر ہے اللہ اللہ

پاسبان در خمار بنے بیٹھے ہیں

چشم ہے آب رواں سینے میں داغوں کی بہار

ہم بھی اک تختہ گل زار بنے بیٹھے ہیں

پوچھتے ہیں وہ مجھی سے یہ غضب تو دیکھو

آپ بھی طالب دیدار بنے بیٹھے ہیں

دل ربائی کے یہ انداز غضب ہیں تیرے

کہ ہوس پیشہ خریدار بنے بیٹھے ہیں

ap kya ek sitam gar bane baithe hain

ghair bhi to mire gham khwar bane baithe hain

waizon ki bhi ye tauqir hai allah allah

pasban-e-dar-e-khumar bane baithe hain

chashm hai ab-e-rawan sine mein daghon ki bahar

ham bhi ik takhta gul zar bane baithe hain

puchhte hain wo mujhi se ye ghazab to dekho

ap bhi talib-e-didar bane baithe hain

dil rabai ke ye andaz-e-ghazab hain tere

ke hawas pesha kharidar bane baithe hain