Arooz is now on the App Store, for iPhone and iPad. Download →

All poetry

رخسار کے پرتو سے بجلی کی نئی دھج ہے

آغا شاعر قزلباش

رخسار کے پرتو سے بجلی کی نئی دھج ہے

کیوں آنکھ جھپکتی ہے کیا سامنے سورج ہے

دنیا کی زمینوں سے اے چرخ تو کیا واقف

اک اک یہاں پنہاں کاؤس ہے ایرج ہے

دروازے پہ اس بت کے سو بار ہمیں جانا

اپنا تو یہی کعبہ اپنا تو یہی حج ہے

اے ابروئے جاناں تو اتنا تو بتا ہم کو

کس رخ سے کریں سجدہ قبلے میں ذرا کج ہے

انصاف کرو لوگو انصاف کرو پیارو

شاعرؔ کی زمانے میں دنیا سے نئی دھج ہے