رساؔ کو دل میں رکھتے ہیں رساؔ کے جاننے والے

رساؔ کو دل میں رکھتے ہیں رساؔ کے جاننے والے

وفا کی قدر کرتے ہیں وفا کے جاننے والے

تری تیغ ادا کھنچتے ہی اپنی جان جاتی ہے

قضا سے پہلے مرتے ہیں قضا کے جاننے والے

بھری ہیں شوخیاں لاکھوں تری نیچی نگاہوں میں

ہمیں ہیں کچھ تری شرم و حیا کے جاننے والے

مری فریاد سن کر کچھ انہیں پروا نہیں ہوتی

نڈر بیٹھے ہیں آہ نارسا کے جاننے والے

رساؔ کو سب نے سمجھایا مگر سمجھا نہ کچھ ظالم

ہوئے مجبور اس مرد خدا کے جاننے والے

rasa ko dil mein rakhte hain rasa ke janne wale

wafa ki qadr karte hain wafa ke janne wale

tiri tegh-e-ada khinchte hi apni jan jati hai

qaza se pahle marte hain qaza ke janne wale

bhari hain shokhiyan lakhon tiri nichi nigahon mein

hamen hain kuchh tiri sharm-o-haya ke janne wale

miri fariyad sun kar kuchh unhen parwa nahin hoti

nidar baithe hain ah-e-narasa ke janne wale

rasa ko sab ne samjhaya magar samjha na kuchh zalim

hue majbur is mard-e-khuda ke janne wale