رخ روشن پہ صفا لوٹ گئی

رخ روشن پہ صفا لوٹ گئی

زلف پر کالی بلا لوٹ گئی

سن کے گلشن میں مرے نالہ و آہ

بلبل نغمہ سرا لوٹ گئی

اس بت مست پہ مے خانہ میں

دختر رز بخدا لوٹ گئی

ہم نہ مرتے اس ادا پر لیکن

پاؤں پر آ کے قضا لوٹ گئی

تنگ ہوں اپنی طبیعت سے میں

جو حسین اس کو ملا لوٹ گئی

اے سخیؔ خوب غزل تو نے کہی

سن کے طبع شعرا لوٹ گئی

rukh-e-raushan pe safa laut gai

zulf par kali bala laut gai

sun ke gulshan mein mire nala-o-ah

bulbul-e-naghma sara laut gai

us but-e-mast pe mai khana mein

dukhtar-e-raz bakhuda laut gai

ham na marte is ada par lekin

paon par a ke qaza laut gai

tang hun apni tabiat se main

jo hasin us ko mila laut gai

ai sakhi khub ghazal tu ne kahi

sun ke tab-e-shuara laut gai