رخ و زلف پر جان کھویا کیا

رخ و زلف پر جان کھویا کیا

اندھیرے اجالے میں رویا کیا

ہمیشہ لکھے وصف دندان یار

قلم اپنا موتی پرویا کیا

کہوں کیا ہوئی عمر کیوں کر بسر

میں جاگا کیا بخت سویا کیا

رہی سبز بے فکر کشت سخن

نہ جوتا کیا میں نہ بویا کیا

برہمن کو باتوں کی حسرت رہی

خدا نے بتوں کو نہ گویا کیا

مزا غم کے کھانے کا جس کو پڑا

وہ اشکوں سے ہاتھ اپنے دھویا کیا

زنخداں سے آتشؔ محبت رہی

کنوئیں میں مجھے دل ڈبویا کیا

rukh-o-zulf par jan khoya kiya

andhere ujale mein roya kya

hamesha likhe wasf-e-dandan-e-yar

qalam apna moti piroya kya

kahun kya hui umr kyun kar basar

main jaga kiya bakht soya kiya

rahi sabz be fikr kisht-e-sukhan

na jota kiya main na boya kiya

barahman ko baton ki hasrat rahi

khuda ne buton ko na goya kiya

maza gham ke khane ka jis ko para

wo ashkon se hath apne dhoya kiya

zanakhdan se atish mohabbat rahi

kanoen mein mujhe dil duboya kya