رات کے بعد وہ صبح کہاں ہے دن کے بعد وہ شام کہاں
مختار صدیقیرات کے بعد وہ صبح کہاں ہے دن کے بعد وہ شام کہاں
جو آشفتہ سری ہے مقدر اس میں قید مقام کہاں
بھیگی رات ہے سونی گھڑیاں اب وہ جلوۂ عام تمام
بندھن توڑ کے جاؤں لیکن اے دل اے ناکام کہاں
اب وہ حسرت رسوا بن کر جزو حیات ہے برسوں سے
جس سے وحشت کرتے تھے تم اب وہ خیال خام کہاں
زیست کی رہ میں اب ہم بے حس تنہا سر بہ گریباں ہیں
کچھ آلام کا ساتھ ہوا تھا وہ بھی نافرجام کہاں
کرنی کرتے راہیں تکتے ہم نے عمر گنوائی ہے
خوبی قسمت ڈھونڈ کے ہاری ہم ایسے ناکام کہاں
اپنے حال کو جان کے ہم نے فقر کا دامن تھاما ہے
جن داموں یہ دنیا ملتی اتنے ہمارے دام کہاں
rat ke baad wo subh kahan hai din ke baad wo sham kahan
jo ashufta siri hai muqaddar is mein qaid-e-maqam kahan
bhigi rat hai suni ghariyan ab wo jalwa-e-am tamam
bandhan tor ke jaun lekin ai dil ai nakam kahan
ab wo hasrat ruswa ban kar juzw-e-hayat hai barson se
jis se wahshat karte the tum ab wo khayal-e-kham kahan
zist ki rah mein ab ham be his tanha sar ba gareban hain
kuchh alam ka sath hua tha wo bhi nafarjam kahan
karni karte rahen takte ham ne umr ganwai hai
khubi qismat dhund ke hari ham aise nakam kahan
apne hal ko jan ke ham ne faqr ka daman thama hai
jin damon ye duniya milti itne hamare dam kahan