راہ و رسم ابتدائی دیکھ لی

راہ و رسم ابتدائی دیکھ لی

انتہائے بے وفائی دیکھ لی

سامنے تعریف غیبت میں گلہ

آپ کے دل کی صفائی دیکھ لی

اب نہیں ملنا کسی سے بھی پسند

سب کی اچھائی برائی دیکھ لی

نام بھی دامن پہ سرخی کا نہیں

دیدہ و دل کی کمائی دیکھ لی

بے خبر ہیں وہ مرے حالات سے

نالۂ دل کی رسائی دیکھ لی

عشق اپنا ہے فقط اتنا رواںؔ

اچھی صورت آگے آئی دیکھ لی

rah-o-rasm-e-ibtidai dekh li

intihae be wafai dekh li

samne taarif ghibat mein gila

ap ke dil ki safai dekh li

ab nahin milna kisi se bhi pasand

sab ki achchhai burai dekh li

nam bhi daman pe surkhi ka nahin

dida-o-dil ki kamai dekh li

be khabar hain wo mire halat se

nala-e-dil ki rasai dekh li

ishq apna hai faqat itna rawan

achchhi surat age ai dekh li