راہ میں صورت نقش کف پا رہتا ہوں

راہ میں صورت نقش کف پا رہتا ہوں

ہر گھڑی بننے بگڑنے کو پڑا رہتا ہوں

عمر رفتہ نہ کبھی آئے منانے کے لئے

مدتیں گزریں کہ جینے سے خفا رہتا ہوں

صفت کینہ مرا گھر ہے فلک کے دل میں

گرہ دشمن خاطر میں بندھا رہتا ہوں

فتنۂ حشر یہ کہتا ہے مجھے پوچھے کون

دامن یار کے گوشہ میں پڑا رہتا ہوں

قید ہوں پر ستم غفلت جوہر سے منیرؔ

غصہ بن کر دل زنداں میں بھرا رہتا ہوں

rah mein surat-e-naqsh-e-kaf-e-pa rahta hun

har ghari banne bigarne ko para rahta hun

umr-e-rafta na kabhi ae manane ke liye

muddaten guzren ke jine se khafa rahta hun

sifat kina mira ghar hai falak ke dil mein

girah-e-dushman-e-khatir mein bandha rahta hun

fitna-e-hashr ye kahta hai mujhe puchhe kaun

daman-e-yar ke gosha mein para rahta hun

qaid hun par sitam ghaflat jauhar se munir

ghussa ban kar dil-e-zindan mein bhara rahta hun