رات گزرے ہے مجھے نزع میں روتے روتے

رات گزرے ہے مجھے نزع میں روتے روتے

آنکھیں پھر جائیں گی اب صبح کے ہوتے ہوتے

کھول کر آنکھ اڑا دید جہاں کا غافل

خواب ہو جائے گا پھر جاگنا سوتے سوتے

داغ اگتے رہے دل میں مری نومیدی سے

ہارا میں تخم تمنا کو بھی بوتے بوتے

جی چلا تھا کہ ترے ہونٹ مجھے یاد آئے

لعل پائیں ہیں میں اس جی ہی کے کھوتے کھوتے

جم گیا خوں کف قاتل پہ طرح میرؔ زبس

ان نے رو رو دیا کل ہاتھ کو دھوتے دھوتے

rat guzre hai mujhe nazaa mein rote rote

ankhen phir jaengi ab subh ke hote hote

khol kar ankh ura did jahan ka ghafil

khwab ho jaega phir jagna sote sote

dagh ugte rahe dil mein miri naumidi se

hara mein tukhm-e-tamanna ko bhi bote bote

ji chala tha ke tire hont mujhe yad ae

laal paen hain main is ji hi ke khote khote

jam gaya khun kaf-e-qatil pe tarah mir-e-zabas

un ne ro ro diya kal hath ko dhote dhote