راہ میں حق کے عزیزاں آپ کو قرباں کرو

راہ میں حق کے عزیزاں آپ کو قرباں کرو

یا نہیں اس پر تصدق اپنا جسم و جاں کرو

سالکاں کب لگ چلو گے رہ میں حق کے مور چل

عشق کی تیزی کو اپنے چھیڑ کر جولاں کرو

کاں تلک خاطر رکھو گے آرزو میں تنگ کر

غنچہ دل باد صبا سوں عشق کے خنداں کرو

عقل نفسانی تمن میں برقعۂ حیوان ہے

پھاڑ کر پردہ نظر کا آپ کو انساں کرو

خانۂ دل کو رکھو آباد حق کی یاد سوں

عشق کی آتش سوں تن کو جال کر ویراں کرو

توڑ کر تن کو کرو باریک پردے کی مثال

شمع نورانی لگا فانوس تن تاباں کرو

دیکھتے رہو روز و شب انکھیاں سوں تم رب کا جمال

نین کی تھالی میں اس کو جیوں در غلطاں کرو

پھیرتے رہو دید کا منکا نظر کے تار میں

رات دن انکھیاں کو اپنی اس طرف گرداں کرو

rah mein haq ke azizan ap ko qurban karo

ya nahin us par tasadduq apna jism-o-jan karo

salikan kab lag chaloge rah mein haq ke mor chal

ishq ki tezi ko apne chher kar jaulan karo

kan talak khatir rakhoge arzu mein tang kar

ghuncha dil bad-e-saba sun ishq ke khandan karo

aql nafsani tuman mein barqaaa-e-haiwan hai

phar kar parda nazar ka ap ko insan karo

khana-e-dil ko rakho abad haq ki yad sun

ishq ki atish sun tan ko jal kar wiran karo

tor kar tan ko karo barik parde ki misal

shama nurani laga fanus tan taban karo

dekhte raho roz-o-shab ankhiyan sun tum rab ka jamal

nain ki thali mein us ko jyun dar-e-ghaltan karo

pherte raho did ka minka nazar ke tar mein

rat din ankhiyan ko apni is taraf gardan karo