راس آیا ہے مجھے وحشت میں مر جانا مرا

راس آیا ہے مجھے وحشت میں مر جانا مرا

وہ مجھے روئے یہ کہہ کر ہائے دیوانا مرا

غیر کو ساقی نے جب بھر کر دیا جام شراب

آنسوؤں سے ہو گیا لبریز پیمانا مرا

میرے رونے پر وہ ان کا مسکرانا بار بار

اور بلائیں لے کے وہ قدموں پہ گر جانا مرا

حضرت ناصح کی باتیں میں سمجھتا ہی نہیں

نا سمجھ ہیں دل لگی سمجھے ہیں سمجھانا مرا

اے رساؔ وہ بھی شریک محفل ماتم ہوئے

خضر بھی مرتے ہیں جس پر وہ ہے مر جانا مرا

ras aya hai mujhe wahshat mein mar jana mira

wo mujhe roe ye kah kar hae diwana mira

ghair ko saqi ne jab bhar kar diya jam-e-sharab

ansuon se ho gaya labrez paimana mira

mere rone par wo un ka muskurana bar bar

aur balaen le ke wo qadmon pe gar jana mira

hazrat-e-naseh ki baten mein samajhta hi nahin

na samajh hain dil lagi samjhe hain samjhana mira

ai rasa wo bhi sharik-e-mahfil-e-matam hue

khizr bhi marte hain jis par wo hai mar jana mira