آپ سے شرح آرزو تو کریں

آپ سے شرح آرزو تو کریں

آپ تکلیف گفتگو تو کریں

وہ یہیں ہیں جو وہ کہیں بھی نہیں

آئیے دل میں جستجو تو کریں

اہل دنیا مجھے سمجھ لیں گے

دل کسی دن ذرا لہو تو کریں

رنگ و بو کیا ہے یہ تو سمجھا دو

سیر دنیائے رنگ و بو تو کریں

تم سے ملنے کی آرزو ہی سہی

تم سے ملنے کی آرزو تو کریں

وہ ادھر رخ ادھر ہے میت کا

لوگ فانیؔ کو قبلہ رو تو کریں

ap se sharh-e-arzu to karen

ap taklif-e-guftugu to karen

wo yahin hain jo wo kahin bhi nahin

aiye dil mein justuju to karen

ahl-e-duniya mujhe samajh lenge

dil kisi din zara lahu to karen

rang-o-bu kya hai ye to samjha do

sair duniya-e-rang-o-bu to karen

tum se milne ki arzu hi sahi

tum se milne ki arzu to karen

wo idhar rukh idhar hai mayyat ka

log fani ko qibla ro to karen