دیر و حرم ہیں منظر آئین اختلاف
ساحر دہلویدیر و حرم ہیں منظر آئین اختلاف
حق پر سدا نظر ہے مری حین اختلاف
بیرون در ہیں صورت و معنی کے پردہ دار
ہیں پردۂ خفا میں قوانین اختلاف
ہے برقرار گردش دوران روزگار
نیرنگئ خیال ہے آئین اختلاف
ممنون راستی ہے ہر اک نقطۂ نظر
مد نظر جہاں میں ہے تمکین اختلاف
کیا پارہ ہائے پیرہن انس بخیہ ہوں
جب ہوں ادھیڑ بن میں مجانین اختلاف
لازم ہمیں ہے قطع نظر مدح و ذم سے اب
تحسین اتفاق ہے نفرین اختلاف
دلداریاں کہاں ہیں وہ ساحرؔ کبھی جو تھیں
خاطر شکن ہیں اب تو مضامین اختلاف
dair-o-haram hain manzar-e-ain-e-ikhtilaf
haq par sada nazar hai miri hin ikhtilaf
beron-e-dar hain surat-o-maani ke parda dar
hain parda-e-khafa mein qawanin-e-ikhtilaf
hai barqarar-e-gardish-e-dauran-e-rozgar
nairangi-e-khayal hai ain-e-ikhtilaf
mamnun rasti hai har ik nuqta-e-nazar
mad-e-nazar jahan mein hai tamkin-e-ikhtilaf
kya para ha-e-pairahan-e-uns bakhiya hun
jab hun adher ban mein majanin ikhtilaf
lazim hamen hai qat-e-nazar madh-o-zam se ab
tahsin-e-ittifaq hai nafrin ikhtilaf
dildariyan kahan hain wo sahir kabhi jo thin
khatir shikan hain ab to mazamin-e-ikhtilaf