دیتی ہے وحشت دل فصل بہاراں کی خبر

دیتی ہے وحشت دل فصل بہاراں کی خبر

اب کہاں وحشیوں کو جیب و گریباں کی خبر

اے نسیم سحری ساتھ مرا کیا دے گی

باغ سے نکلا تو لاؤں گا بیاباں کی خبر

چشم پر فن نے زمانے پہ کیا وہ جادو

ہوش ہے دیں کا کسی کو نہ ہے ایماں کی خبر

گل پریشانیٔ سنبل پہ ہنسا کرتے ہیں

اور رکھتے نہیں خود چاک گریباں کی خبر

گلشن دہر میں راحت بھی ہے اور رنج بھی ہے

دیتی ہے صبح وطن شام غریباں کی خبر

deti hai wahshat-e-dil fasl-e-baharan ki khabar

ab kahan wahshiyon ko jeb-o-gareban ki khabar

ai nasim-e-sahari sath mira kya degi

bagh se nikla to launga bayaban ki khabar

chashm pur fan ne zamane pe kya wo jadu

hosh hai den ka kisi ko na hai iman ki khabar

gul pareshani-e-sumbul pe hansa karte hain

aur rakhte nahin khud chak-e-gareban ki khabar

gulshan-e-dahr mein rahat bhi hai aur ranj bhi hai

deti hai subh-e-watan sham-e-ghariban ki khabar