دیتی ہے وحشت دل پھر مجھے تعبیر بہار

دیتی ہے وحشت دل پھر مجھے تعبیر بہار

جلوہ گر خواب میں رہنے لگی تصویر بہار

سلسلہ چھڑ گیا پھر دل کی گرفتاری کا

پھر نسیم آج ہلانے لگی زنجیر بہار

حسن اور عشق کی دنیا میں پڑے گی ہلچل

فتنہ انگیز و جنوں خیز ہے تاثیر بہار

تنگ آنے لگے دیوانے گریبانوں سے

کچھ تو اے دست جنوں چاہیے تدبیر بہار

دوڑی جاتی ہے گھٹا سوئے چمن بادہ کشو

پردۂ غیب سے ہونے لگی تدبیر بہار

deti hai wahshat-e-dil phir mujhe taabir bahar

jalwa gar khwab mein rahne lagi taswir bahar

silsila chhir gaya phir dil ki giraftari ka

phir nasim aj hilane lagi zanjir bahar

husn aur ishq ki duniya mein paregi halchal

fitna angez-o-junun khez hai tasir-e-bahar

tang ane lage diwane garebanon se

kuchh to ai dast-e-junun chahiye tadbir bahar

dauri jati hai ghata su-e-chaman bada kasho

parda-e-ghaib se hone lagi tadbir bahar