دیر و کعبہ کو رہ گزر سمجھے

دیر و کعبہ کو رہ گزر سمجھے

دل کو جو کوئی تیرا گھر سمجھے

اشک خونیں بہے تو ہم دل کو

ہدف ناوک نظر سمجھے

نالۂ غیر آتش افشاں ہے

شب وصلت کی تم سحر سمجھے

نہ اٹھا اپنے آستاں سے ہمیں

ہم تو بیٹھے ہیں اپنا گھر سمجھے

نامہ دے کر نظارہ ہے منظور

ہم تقاضائے نامہ بر سمجھے

غیر سے پوچھتے ہیں کوچۂ یار

ایسے رہزن کو راہبر سمجھے

وہ ستم کرنے آئے ہیں ایجاد

اور ہم آہ کا اثر سمجھے

صرف کرنا ہے عنصر آبی

ہم ترا گریہ چشم تر سمجھے

اس سے کیا مدعا کہوں سالکؔ

صلح کی بات کو جو شر سمجھے

dair-o-kaaba ko rah guzar samjhe

dil ko jo koi tera ghar samjhe

ashk-e-khunin bahe to ham dil ko

hadaf-e-nawak-e-nazar samjhe

nala-e-ghair atish afshan hai

shab-e-waslat ki tum sahar samjhe

na utha apne astan se hamen

ham to baithe hain apna ghar samjhe

nama de kar nazara hai manzur

ham taqaza-e-nama bar samjhe

ghair se puchhte hain kucha-e-yar

aise rahzan ko rahbar samjhe

wo sitam karne ae hain ijad

aur ham ah ka asar samjhe

sirf karna hai unsar-e-abi

ham tira girya chashm-e-tar samjhe

us se kya muddaa kahun salik

sulh ki bat ko jo shar samjhe