دیجئے رخصت بوسہ نہیں لے بیٹھیں گے

دیجئے رخصت بوسہ نہیں لے بیٹھیں گے

پیارے یہ یاد رہے جان بھی دے بیٹھیں گے

پائے دیوار کھڑے رہنے نہ دیجے بہتر

اور ہٹ کر ترے کوچہ میں پرے بیٹھیں گے

بے سر و پا ہیں کہاں جائیں گے جوں نقش قدم

خاک پا ہم ترے قدموں ہی تلے بیٹھیں گے

آتش عشق ترے سوختگاں جوں شعلہ

جب تلک ہیں کوئی آرام لئے بیٹھیں گے

روبرو اس کے اثرؔ آپ بہ ایں زندہ دلی

کب تلک دل کے تئیں مارے ہوئے بیٹھیں گے

dijiye rukhsat-e-bosa nahin le baithenge

pyare ye yad rahe jan bhi de baithenge

pae diwar khare rahne na dije behtar

aur hat kar tire kucha mein pare baithenge

be sar-o-pa hain kahan jaenge jun naqsh-e-qadam

khak-e-pa ham tire qadmon hi tale baithenge

atish-e-ishq tire sokhtgan jun shola

jab talak hain koi aram liye baithenge

rubaru us ke asar ap ba ain zinda dili

kab talak dil ke tain mare hue baithenge