دیا ساقی لبالب مجھ کو ساغر

دیا ساقی لبالب مجھ کو ساغر

ہوا سارا کدورت دل سوں باہر

عجب تھا مست ساقی جام تیرا

چھپا باطن لگا دسنے کو ظاہر

اندھارا غیر کا جی سوں گیا ٹل

ہوا خورشید آ انکھیاں میں حاضر

دیا ذرے کو اپنے مہر سوں نور

ہوا تس پر کرم سوں آپ ناظر

لگا کر فیض کا مجھ جگ میں انجن

کیا ہے گنج سوں باطن کے ماہر

تصدق جان و دل سوں میں سراپا

نوازش ہے تری دو جگ میں نادر

علیمؔ اللہ ترا ساقی سچا ہے

لقب جس کو محی الدینؔ قادر

diya saqi labalab mujh ko saghar

hawa sara kudurat dil sun bahar

ajab tha mast saqi jam tera

chhupa batin laga disne ko zahir

andhara ghair ka ji sun gaya tal

hawa khurshid a ankhiyan mein hazir

diya zarre ko apne mehr sun nur

hawa tis par karam sun ap nazir

laga kar faiz ka mujh jag mein anjan

kya hai ganj sun batin ke mahir

tasadduq jan-o-dil sun mein sarapa

nawazish hai tiri do jag mein nadir

alim allah tira saqi sachcha hai

laqab jis ko mahi alddain qadir