ذلت ہے جو پھیلائے بشر پیش دگر ہاتھ

ذلت ہے جو پھیلائے بشر پیش دگر ہاتھ

یا رب نہ کبھی ہاتھ کا ہو دست نگر ہاتھ

پنجہ کریں خورشید سے بیداروں کی پلکیں

فرقت کی شب آ جائے جو دامان سحر ہاتھ

ہیں صاحب سر پنجہ رئیسوں کو نچاتے

سر پر جو پڑے چوٹ تو ہوتا ہے سپر ہاتھ

جی میں ہے کہوں ان سے کہ ہوں دست گرفتہ

وہ سن کے خجل ہوں جو کہیں لاؤ ادھر ہاتھ

کیا دزد حنا ہاتھ لگا سیم بروں کو

دل ہاتھ سے لے جاتا ہے چوری سے وہ ہر ہاتھ

خورشید کے پنجے سے اشارہ ہے کہ عاقل

اللہ کی جانب کو اٹھا وقت سحر ہاتھ

zillat hai jo phailae bashar pesh-e-digar hath

ya rab na kabhi hath ka ho dast nagar hath

panja karen khurshid se bedaron ki palken

furqat ki shab a jae jo daman-e-sahar hath

hain sahab sar panja raison ko nachate

sar par jo pare chot to hota hai sipar hath

ji mein hai kahun un se ke hun dast girafta

wo sun ke khajil hun jo kahin lao idhar hath

kya duzd-e-hina hath laga sim buron ko

dil hath se le jata hai chori se wo har hath

khurshid ke panje se ishara hai ke aqil

allah ki janib ko utha waqt-e-sahar hath