ذکر ایفا کچھ نہیں وعدہ ہی وعدہ ہم سے ہے

ذکر ایفا کچھ نہیں وعدہ ہی وعدہ ہم سے ہے

رات دن شام و سحر امروز فردا ہم سے ہے

ہم نہ کہتے تھے کہ یہ جور و جفا اچھی نہیں

پوچھ کچھ روز جزا اب تم سے ہے یا ہم سے ہے

دوسروں کے کہنے سننے پر نہ تم جاؤ نہ ہم

تم سے بس کہنا ہمارا ہے تمہارا ہم سے ہے

شرم وصل غیر سے اٹھتی نہیں اونچی نظر

درد سر کیسا یہ سب حیلہ بہانا ہم سے ہے

کون سی خوبی ہے ہم میں جس پر نازاں ہوں نسیمؔ

جو زمانے سے برا ہے وہ بھی اچھا ہم سے ہے

zikr ifa kuchh nahin waada hi waada ham se hai

rat din sham-o-sahar imroz farda ham se hai

ham na kahte the ke ye jaur-o-jafa achchhi nahin

puchh kuchh roz-e-jaza ab tum se hai ya ham se hai

dusron ke kahne sunne par na tum jao na ham

tum se bas kahna hamara hai tumhara ham se hai

sharm wasl-e-ghair se uthti nahin unchi nazar

dard-e-sar kaisa ye sab hila bahana ham se hai

kaun si khubi hai ham mein jis par nazan hun nasim

jo zamane se bura hai wo bhi achchha ham se hai