دے دیں ابھی کرے جو کوئی خوب رو پسند

دے دیں ابھی کرے جو کوئی خوب رو پسند

ہم کو نہیں پسند دل آرزو پسند

مانند اشک خاک میں آخر ملا دیا

آئی نہ آسماں کو مری آبرو پسند

تم نے وہاں رقیب کو پہلو میں دی جگہ

یاں رہ گیا تڑپ کے دل آرزو پسند

عشاق سے وہ پوچھتے ہیں تیغ تول کر

ہے زخم سر پسند کہ زخم گلو پسند

قربان اس ادا کے وہ کہتے ہیں اے نسیمؔ

آیا ہے عاشقوں میں ہمیں ایک تو پسند

de den abhi kare jo koi khub ru pasand

ham ko nahin pasand dil-e-arzu pasand

manind-e-ashk khak mein akhir mila diya

ai na asman ko miri abru pasand

tum ne wahan raqib ko pahlu mein di jagah

yan rah gaya tarap ke dil-e-arzu pasand

ushshaq se wo puchhte hain tegh tol kar

hai zakhm-e-sar pasand ke zakhm-e-galo pasand

qurban is ada ke wo kahte hain ai nasim

aya hai ashiqon mein hamen ek to pasand