دیکھیں محشر میں ان سے کیا ٹھہرے

دیکھیں محشر میں ان سے کیا ٹھہرے

تھے وہی بت وہی خدا ٹھہرے

ٹھہرے اس در پہ یوں تو کیا ٹھہرے

بن کے زنجیر بے صدا ٹھہرے

سانس ٹھہرے تو دم ذرا ٹھہرے

تیز آندھی میں شمع کیا ٹھہرے

زندگانی ہے اک نفس کا شمار

بے ہوا یہ چراغ کیا ٹھہرے

جس کو تم لا دوا بتاتے تھے

تمہیں اس درد کی دوا ٹھہرے

عشق کا جرم سہل کام نہیں

کہ ہر اک لائق سزا ٹھہرے

بیم و امید کی کشاکش میں

اک دوراہے پہ جیسے آ ٹھہرے

روتی آنکھیں جھلک نہ دیکھ سکیں

بہتے زخموں پہ کیا دوا ٹھہرے

آرزوؔ وہ ہمیں نصیب کہاں

کان تک جا کے جو صدا ٹھہرے

dekhen mahshar mein un se kya thahre

the wahi but wahi khuda thahre

thahre us dar pe yun to kya thahre

ban ke zanjir be sada thahre

sans thahre to dam zara thahre

tez andhi mein shama kya thahre

zindagani hai ik nafas ka shumar

be hua ye charagh kya thahre

jis ko tum la dawa batate the

tumhen is dard ki dawa thahre

ishq ka jurm sahl kam nahin

ke har ik laiq-e-saza thahre

bim-o-ummid ki kashakash mein

ik dorahe pe jaise a thahre

roti ankhen jhalak na dekh saken

bahte zakhmon pe kya dawa thahre

arzu wo hamen nasib kahan

kan tak ja ke jo sada thahre