ذرہ بھی اگر رنگ خدائی نہیں دیتا

ذرہ بھی اگر رنگ خدائی نہیں دیتا

اندھا ہے تجھے کچھ بھی دکھائی نہیں دیتا

دل کی بری عادت ہے جو مٹتا ہے بتوں پر

واللہ میں ان کو تو برائی نہیں دیتا

کس طرح جوانی میں چلوں راہ پہ ناصح

یہ عمر ہی ایسی ہے سجھائی نہیں دیتا

گرتا ہے اسی وقت بشر منہ کے بل آ کر

جب تیرے سوا کوئی دکھائی نہیں دیتا

سن کر مری فریاد وہ یہ کہتے ہیں شاعرؔ

اس طرح تو کوئی بھی دہائی نہیں دیتا

zarra bhi agar rang khudai nahin deta

andha hai tujhe kuchh bhi dikhai nahin deta

dil ki buri adat hai jo mitta hai buton par

wallah mein un ko to burai nahin deta

kis tarah jawani mein chalun rah pe naseh

ye umr hi aisi hai sujhai nahin deta

girta hai isi waqt bashar munh ke bal a kar

jab tere siwa koi dikhai nahin deta

sun kar miri fariyad wo ye kahte hain shayar

is tarah to koi bhi duhai nahin deta