دیکھے اگر یہ گرمئ بازار آفتاب
حسن بریلویدیکھے اگر یہ گرمئ بازار آفتاب
سر بیچ کر ہو تیرا خریدار آفتاب
وہ حسن خود فروش اگر بے نقاب ہو
مہتاب مشتری ہو خریدار آفتاب
پوشیدہ گیسوؤں میں ہوا روئے پر ضیا
ہے آج میہمان شب تار آفتاب
اس کی تجلیوں سے کرے کون ہم سری
ہو جس کے نقش پا سے نمودار آفتاب
احباب کو حسنؔ وہ چمکتی غزل سنا
ہر لفظ سے ہو جس کے نمودار آفتاب
dekhe agar ye garmi-e-bazar-e-aftab
sar bech kar ho tera kharidar aftab
wo husn-e-khud farosh agar be naqab ho
mahtab mushtari ho kharidar aftab
poshida gesuon mein hua roe par ziya
hai aj mehman shab-e-tar-e-aftab
us ki tajalliyon se kare kaun ham siri
ho jis ke naqsh-e-pa se numudar aftab
ahbab ko husn wo chamakti ghazal suna
har lafz se ho jis ke numudar aftab