دیکھے گا جو تجھ رو کو سو حیران رہے گا

دیکھے گا جو تجھ رو کو سو حیران رہے گا

وابستہ ترے مو کا پریشان رہے گا

وعدہ تو کیا اس سے دم صبح کا لیکن

اس دم تئیں مجھ میں بھی اگر جان رہے گا

منعم نے بنا ظلم کی رکھ گھر تو بنایا

پر آپ کوئی رات ہی مہمان رہے گا

چھوٹوں کہیں ایذا سے لگا ایک ہی جلاد

تا حشر مرے سر پہ یہ احسان رہے گا

چمٹے رہیں گے دشت محبت میں سر و تیغ

محشر تئیں خالی نہ یہ میدان رہے گا

جانے کا نہیں شور سخن کا مرے ہرگز

تا حشر جہاں میں مرا دیوان رہے گا

دل دینے کی ایسی حرکت ان نے نہیں کی

جب تک جئے گا میرؔ پشیمان رہے گا

dekhega jo tujh ro ko so hairan rahega

wabasta tire mu ka pareshan rahega

waada to kiya us se dam-e-subh ka lekin

is dam tain mujh mein bhi agar jan rahega

munam ne bana zulm ki rakh ghar to banaya

par ap koi rat hi mehman rahega

chhutun kahin iza se laga ek hi jallad

ta hashr mire sar pe ye ehsan rahega

chimte rahenge dasht-e-mohabbat mein sar-o-tegh

mahshar tain khali na ye maidan rahega

jane ka nahin shor sukhan ka mire hargiz

ta hashr jahan mein mira diwan rahega

dil dene ki aisi harkat un ne nahin ki

jab tak jiye ga mir pasheman rahega