ذکر ہر صبح و شام ہے تیرا

ذکر ہر صبح و شام ہے تیرا

ورد عاشق کوں نام ہے تیرا

مت کر آزاد دام زلف سیں دل

بال باندھا غلام ہے تیرا

لشکر غم نے دل سیں کوچ کیا

جب سے اس میں مقام ہے تیرا

جام مے کا پلانا ہے بے رنگ

شوق جن کوں مدام ہے تیرا

آج ناجیؔ سے رم نہ کر اے شوخ

دیکھ مدت سیں رام ہے تیرا

zikr har subh-o-sham hai tera

wird-e-ashiq kun nam hai tera

mat kar azad dam-e-zulf sin dil

bal bandha ghulam hai tera

lashkar-e-gham ne dil sin kuch kiya

jab se is mein maqam hai tera

jam-e-mai ka pilana hai be rang

shauq jin kun mudam hai tera

aj naji se ram na kar ai shokh

dekh muddat sin ram hai tera