رات اس تنک مزاج سے کچھ بات بڑھ گئی

رات اس تنک مزاج سے کچھ بات بڑھ گئی

وہ روٹھ کر گیا تو غضب رات بڑھ گئی

یہ کہیو ہم نشیں مجھے کیا کیا نہ کہہ گئے

میں گھٹ گیا نہ آپ کی کچھ ذات بڑھ گئی

بوسے کے نام ہی پہ لگے کاٹنے زباں

کتنی عمل سے آگے مکافات بڑھ گئی

چشموں سے میرے شہر میں طوفان گریہ ہے

نادان جانتے ہیں کہ برسات بڑھ گئی

سمجھا تھا میں کمر ہی تلک زلف کا کمال

وہ پانو سے بھی آگے کئی ہات بڑھ گئی

اغیار سے نہیں ہے سروکار یار کو

میرے بہ رغم ان پہ عنایات بڑھ گئی

بے طوریوں سے اس کی بیاںؔ میں تو کھنچ رہا

غیروں کی اس کے ساتھ ملاقات بڑھ گئی

rat is tunuk mizaj se kuchh bat barh gai

wo ruth kar gaya to ghazab rat barh gai

ye kahiyo ham nashin mujhe kya kya na kah gae

main ghut gaya na ap ki kuchh zat barh gai

bose ke nam hi pe lage katne zaban

kitni amal se age mukafat barh gai

chashmon se mere shahr mein tufan-e-girya hai

nadan jante hain ke barsat barh gai

samjha tha main kamar hi talak zulf ka kamal

wo paon se bhi age kai hat barh gai

aghyar se nahin hai sarokar yar ko

mere ba ragham un pe inayat barh gai

be tauriyon se us ki bayan mein to khinch raha

ghairon ki us ke sath mulaqat barh gai