آئینہ کبھی قابل دیدار نہ ہووے
عشق اورنگ آبادیآئینہ کبھی قابل دیدار نہ ہووے
گر خاک کے ساتھ اس کو سروکار نہ ہووے
کیا خاک کہو اس میں تجلی ہو نمایاں
خورشید کا جو ذرہ پرستار نہ ہووے
گر مہر نہ ہو داغ کے الفت کی گواہی
منظور مرے درد کا طومار نہ ہووے
دل خواب کی غفلت سے مبادا کہیں چونکے
یہ فتنۂ خوابیدہ ہی بیدار نہ ہووے
عشق اہل وفا بیچ اسے قدر ہے کیا خاک
وہ دل کہ جو گرد رہ دل دار نہ ہووے
aina kabhi qabil-e-didar na howe
gar khak ke sath us ko sarokar na howe
kya khak kaho is mein tajalli ho numayan
khurshid ka jo zarra parastar na howe
gar mehr na ho dagh ke ulfat ki gawahi
manzur mire dard ka tumar na howe
dil khwab ki ghaflat se mabada kahin chaunke
ye fitna-e-khwabida hi bedar na howe
ishq ahl-e-wafa bich use qadr hai kya khak
wo dil ke jo gard-e-rah dil dar na howe