دھیان کی موج کو پھر آئنہ سیما کر لیں

دھیان کی موج کو پھر آئنہ سیما کر لیں

کچھ تجلی کی حضوری کا بھی یارا کر لیں

آج کا دن بھی یوں ہی بیت گیا شام ہوئی

اور اک رات کا کٹنا بھی گوارا کر لیں

جن خیالوں کے الٹ پھیر میں الجھیں سانسیں

ان میں کچھ اور بھی سانسوں کا اضافہ کر لیں

جن ملالوں سے لہو دل کا بنا ہے آنسو

ان کے آنکھوں سے برسنے کا نظارا کر لیں

احتیاطوں کی گزر گاہیں ہوئی ہیں سنسان

اب چھپایا ہوا ہر گھاؤ ہویدا کر لیں

dhyan ki mauj ko phir aina sima kar len

kuchh tajalli ki huzuri ka bhi yara kar len

aj ka din bhi yun hi bit gaya sham hui

aur ik rat ka katna bhi gawara kar len

jin khayalon ke ulat pher mein uljhen sansen

un mein kuchh aur bhi sanson ka izafa kar len

jin malalon se lahu dil ka bana hai ansu

un ke ankhon se barasne ka nazara kar len

ehtiyaton ki guzar gahen hui hain sunsan

ab chhupaya hua har ghao huwaida kar len