دھیان عارض کا ہوا زلف چلیپا دیکھ کر

دھیان عارض کا ہوا زلف چلیپا دیکھ کر

یاد کعبہ آ گیا مجھ کو کلیسا دیکھ کر

تن کے چلنا ہے برا یاں کا چلن اچھا نہیں

جو ہیں دانا پاؤں وہ رکھتے ہیں دنیا دیکھ کر

نزع میں آنکھیں جو بدلیں میری وہ کہنے لگے

خوش ہوئے کیا پتلیوں کا ہم تماشا دیکھ کر

توبۂ زاہد کے دم پر آ بنی اک آن میں

دست ساقی میں لبالب جام صہبا دیکھ کر

سچ ہے بھائی تھا پھر آخر جوش خوں جاتا کہاں

رو اٹھا مجنوں مجھے جنگل میں تنہا دیکھ کر

اس لب جاں بخش کی معجز نمائی کا یقیں

ہو گیا طالبؔ کو اعجاز مسیحا دیکھ کر

dhyan ariz ka hua zulf-e-chalepa dekh kar

yad kaaba a gaya mujh ko kalisa dekh kar

tan ke chalna hai bura yan ka chalan achchha nahin

jo hain dana paon wo rakhte hain duniya dekh kar

nazaa mein ankhen jo badlen meri wo kahne lage

khush hue kya putliyon ka ham tamasha dekh kar

tauba-e-zahid ke dam par a bani ik an mein

dast-e-saqi mein labalab jam-e-sahba dekh kar

sach hai bhai tha phir akhir josh-e-khun jata kahan

ro utha majnun mujhe jangal mein tanha dekh kar

us lab-e-jan bakhsh ki mojiz numai ka yaqin

ho gaya talib ko ejaz-e-masiha dekh kar