دکھائے معجزے گر وہ بت عیار چٹکی میں

دکھائے معجزے گر وہ بت عیار چٹکی میں

تو بولے طائر رنگ حنا ہر بار چٹکی میں

حنائی فندقیں ہیں سرخ ہے سوفار چٹکی میں

کھلایا ہے مرے قاتل نے کیا گل زار چٹکی میں

ستاری ہے تمہاری یا کہ نغموں کا خزانہ ہے

بنی مضراب بھی منقار موسیقار چٹکی میں

ملے گر خاک در تیری تو ہے اکسیر کی چٹکی

ابھی ہوتا ہے اچھا یہ دل بیمار چٹکی میں

لیا تھا اس زمیں میں امتحان طبع یاروں سے

کئے موزوں یہ ہم نے اے نسیمؔ اشعار چٹکی میں

dikhae mojize gar wo but-e-ayyar chutki mein

tu bole tair-e-rang-e-hina har bar chutki mein

hinai fundaqen hain surkh hai sofar chutki mein

khilaya hai mire qatil ne kya gul zar chutki mein

sitari hai tumhari ya ke naghmon ka khazana hai

bani mizrab bhi minqar musiqar chutki mein

mile gar khak-e-dar teri to hai iksir ki chutki

abhi hota hai achchha ye dil-e-bimar chutki mein

liya tha is zamin mein imtihan-e-taba yaron se

kiye mauzun ye ham ne ai nasim-e-ashar chutki mein