دکھا اے ناخن غم لطف باہم ایسے ساماں پر

دکھا اے ناخن غم لطف باہم ایسے ساماں پر

گریباں کا ہو منہ دامن پہ دامن کا گریباں پر

وہ سوئے ہو کے بے پردہ یہاں کس کس تمنا سے

مگر صدقے ہوا کے رات بھر روئے درخشاں پر

تمہارے دست نازک نے جو کیں اٹھکھیلیاں اس سے

اتر آیا گریباں مسکرا کر پائے داماں پر

سکھایا چشم کو کیا آتش غم نے دم گریہ

ہر اک آنسو بنا ہے آبلہ دامان مژگاں پر

جگر میں کس مزے سے چٹکیاں لیتا ہے چھپ چھپ کر

گمان شاہد پہلو ہے مجھ کو درد پنہاں پر

میں وہ شیدائے گیسو ہوں کہ اکثر موسم گل میں

مرا پائے نظر پڑتا ہے زنجیر گلستاں پر

وہ بلبل ہوں غزل خوان اے شگفتہؔ باغ عالم میں

گراں ہوتا نہیں میرا سخن طبع سخنداں پر

dikha ai nakhun-e-gham lutf baham aise saman par

gareban ka ho munh daman pe daman ka gareban par

wo soe ho ke be parda yahan kis kis tamanna se

magar sadqe hawa ke rat bhar ru-e-darakhshan par

tumhare dast-e-nazuk ne jo kin athkheliyan us se

utar aya gareban muskura kar pae daman par

sikhaya chashm ko kya atish-e-gham ne dam-e-girya

har ik ansu bana hai abla daman-e-mizhgan par

jigar mein kis maze se chutkiyan leta hai chhup chhup kar

guman-e-shahid-e-pahlu hai mujh ko dard pinhan par

main wo shaida-e-gesu hun ke aksar mausam-e-gul mein

mira pae nazar parta hai zanjir-e-gulistan par

wo bulbul hun ghazal khwan ai shagufta bagh-e-alam mein

giran hota nahin mera sukhan tab-e-sukhandan par