آگ پر رشک سے میں چاک گریباں لوٹا

آگ پر رشک سے میں چاک گریباں لوٹا

خاک پر وقت خرام اس کا جو داماں لوٹا

دل کو از بسکہ جو لاگ ابرائے خم دار سے تھی

دم شمشیر کو میں دیکھ کے عریاں لوٹا

حق بجانب ہے جو موسیّ کو نہ ہو تاب جمال

تجھ کو نادیدہ دل گبر مسلماں لوٹا

عید قرباں جو قریب آئی تو کچھ دل میں سمجھ

پاون پر آکے مرے حاجب زنداں لوٹا

مرغ بسلم کی طرح تڑپے ہزاروں دل زار

ہنستے ہنستے جو کبھی وہ گل خنداں لوٹا

میں نے آتش جو کیا نالہ در جاناں پر

دونوں ہاتھوں سے جگر تھام کے درباں لوٹا

ag par rashk se main chak-e-gareban lauta

khak par waqt khiram us ka jo daman lauta

dil ko az baske jo lag ubra-e-kham dar se thi

dam-e-shamshir ko main dekh ke uryan lauta

haq bajanib hai jo musa ko na ho tab-e-jamal

tujh ko nadida dil gabr-e-musalman lauta

eid qurban jo qarib ai to kuchh dil mein samajh

pawan par ake mire hajib zindan lauta

murgh-e-baslam ki tarah tarpe hazaron dil-e-zar

hanste hanste jo kabhi wo gul-e-khandan lauta

main ne atish jo kiya nala dar janan par

donon hathon se jigar tham ke darban lauta