دور مجھ تک نہیں آتا کبھی پیمانے کا

دور مجھ تک نہیں آتا کبھی پیمانے کا

کچھ عجب رنگ ہے ساقی ترے میخانے کا

روشنی برق فلک لے کے دکھانے کو چلی

رنگ دیکھا نہ گیا میرے سیہ خانے کا

یاد آئیں کسی کافر کی گلابی آنکھیں

رنگ دیکھا جو چھلکتے ہوئے پیمانے کا

وہ ہوا خاک یہ جل جل کے گھلی جاتی ہے

شمع نے چھین لیا سوز بھی پروانے کا

صفحۂ دہر پہ وہ سوختہ دل ہوں صفدرؔ

پر پروانہ ورق ہے مرے افسانے کا

dur mujh tak nahin ata kabhi paimane ka

kuchh ajab rang hai saqi tire maikhane ka

raushni barq falak le ke dikhane ko chali

rang dekha na gaya mere siyah khane ka

yad aen kisi kafir ki gulabi ankhen

rang dekha jo chhalakte hue paimane ka

wo hua khak ye jal jal ke ghuli jati hai

shama ne chhin liya soz bhi parwane ka

safha-e-dahr pe wo sokhta dil hun safdar

par parwana waraq hai mire afsane ka