دور رہنا ہم سے کب تک اور بے گانے کے پاس

دور رہنا ہم سے کب تک اور بے گانے کے پاس

ہیں قریبِ مرگ، کیا اب بھی نہیں آنے کے پاس؟

جلوہ آرا بس کہ تھا وہ شمع سیما رات کو

ہم بھی مر کر رہ گئے مجلس میں پروانے کے پاس

آفریں طغیانِ وحشت، مرحبا جوشِ جنوں!

وہ یہ کہتے ہیں کہ کیوں کر جائیں دیوانے کے پاس

غیر سے کہوائیں، یاروں سے سمجھوائیں گے ہم

دیکھ لیں گے پھر کہ تم کیوں کر نہیں آنے کے پاس

شیفتہ نے قصہ مجنوں سنایا رات کو

آ گیا میرا اُنہیں سنتے ہی افسانے کا پاس

dur rahna ham se kab tak aur be gane ke pas

hain qarib-e-marg, kya ab bhi nahin ane ke pas?

jalwa ara bas ke tha wo shama sima rat ko

ham bhi mar kar rah gae majlis mein parwane ke pas

afrin tughyan-e-wahshat, marhaba josh-e-junun!

wo ye kahte hain ke kyun kar jaen diwane ke pas

ghair se kahwaen, yaron se samajhwaenge ham

dekh lenge phir ke tum kyun kar nahin ane ke pas

shefta ne qissa majnun sunaya rat ko

a gaya mera unhen sunte hi afsane ka pas