دشت و صحرا اگر بسائے ہیں

دشت و صحرا اگر بسائے ہیں

ہم گلستاں میں کب سمائے ہیں

آپ نغموں کے منتظر ہوں گے

ہم تو فریاد لے کے آئے ہیں

ایک اپنا دیا جلانے کو

تم نے لاکھوں دیے بجھائے ہیں

کیا نظر آئے گا ابھی ہم کو

یک بیک روشنی میں آئے ہیں

یوں تو سارا چمن ہمارا ہے

پھول جتنے بھی ہیں پرائے ہیں

dasht-o-sahra agar basae hain

ham gulistan mein kab samae hain

ap naghmon ke muntazir honge

ham to fariyad le ke ae hain

ek apna diya jalane ko

tum ne lakhon diye bujhae hain

kya nazar aega abhi ham ko

yak bayak raushni mein ae hain

yun to sara chaman hamara hai

phul jitne bhi hain parae hain