دشمن کو لے کے ساتھ ستم گر ادھر بڑھا

دشمن کو لے کے ساتھ ستم گر ادھر بڑھا

کچ درد سر گھٹا تھا کہ درد جگر بڑھا

خالی نہ آئے یار کی محفل سے ہم کبھی

رشک عدو سے اور بھی زخم جگر بڑھا

تنہائی پر مری نہ ذرا بھی کیا خیال

دل پہلے نذر لے لیا تب نامہ بر بڑھا

محروم رہ نہ جائیں کہ محفل اخیر ہے

ساقی بھلا ہو اب بھی کوئی جام ادھر بڑھا

میرے سبب سے قاتل عالم ملا خطاب

جب میں مٹا تو آپ کا یہ کر و فر بڑھا

جب مر گئے تو قبر پہ وہ فاتحہ کو آئے

کب میرے نالہ ہائے دروں کا اثر بڑھا

ارمان وصل کرتے ہیں دیکھوں کہاں قیام

دل کی طرف بھی یار کا تیر نظر بڑھا

رنج و ملال ہجر سے گھبرا نہ اے حقیرؔ

ہاں جس قدر بڑھے ابھی زاد سفر بڑھا

dushman ko le ke sath sitam gar idhar barha

kach dard-e-sar ghata tha ke dard-e-jigar barha

khali na ae yar ki mahfil se ham kabhi

rashk-e-adu se aur bhi zakhm-e-jigar barha

tanhai par miri na zara bhi kiya khayal

dil pahle nazr le liya tab nama bar barha

mahrum rah na jaen ke mahfil akhir hai

saqi bhala ho ab bhi koi jam idhar barha

mere sabab se qatil-e-alam mila khitab

jab main mita to ap ka ye kar-o-far barha

jab mar gae to qabr pe wo fatiha ko ae

kab mere nala ha-e-darun ka asar barha

arman-e-wasl karte hain dekhun kahan qayam

dil ki taraf bhi yar ka tir-e-nazar barha

ranj-o-malal-e-hijr se ghabra na ai haqir

han jis qadar barhe abhi zad-e-safar barha